知道加洲紅有"沙龍"唱 特登約精出黎唱唱唱唱唱唱唱

用正常既key根本就唱唔到 於是最後玩升key 開頭升到第4格黎唱

但係都覺得有0的低 於是升到第5格 呢個key先唱得好聽同埋岩岩好

溫馨提示:各位女仔記住唱"沙龍"既時候 要升爆key先唱喇

提外話: 原來有得唱"這就是愛嗎"喇 如果有埋阿kay 演唱會就好喇 可惜無..

食完飯去左namco玩 彩虹達人今日手風好唔順 同埋我想話點解擲紅色會有支筆

擲綠色得支珍寶珠 擲中太鼓竟然得粒萬樂珠!!!! 真係太匪而所思喇

號外:話說我想買個公仔廁紙筒係公司用好耐 於是今日去搵喇 阿精小姐潑我

冷水話佢搵左3年都搵唔到 搵到都好貴要成100蚊個 所以勁話搵唔到架喇

點知俾我係sogo間sanrio一搵就搵到囉 仲要50大元罷了 精小姐當場想打我

叫你買返個又唔買 唔係一陣要用個時又要搵3年先搵到呀